7 av 10 tykkjer pensjon er vanskeleg
71 prosent tykkjer det er vanskeleg å forstå pensjonsreglane, viser ny undersøking. Manglande kunnskap om pensjon kan få store økonomiske konsekvensar, åtvarar pensjonsekspert.
– Pensjon er ein viktig del av privatøkonomien, og noko du skal leva av i mange år. Å ha kontroll på pensjonen bør vere like naturleg som å sjekka bustadlånsrenta fleire gonger i året, seier Svein Rasmussen i Statens pensjonskasse, i ei pressemelding.
Kvinner får ofte lågare pensjon
Annonse
Eldre og kvinner er dei som i størst grad oppgir at dei tykkjer pensjonsreglane er vanskelege. I aldersgruppa 50–59 år er andelen heile 80 prosent. Blant kvinner er det 76 prosent, mens 67 prosent av menn tykkjer pensjonsreglane er vanskelege.
– Eit lågare lønnsnivå gjennom arbeidslivet, deltidsarbeid og permisjonar bidreg til at kvinner ofte får lågare pensjon enn menn. Lite kunnskap om eigen pensjon kan bidra til at folk gjer val som forsterkar desse forskjellane, ifølge Rasmussen.
Pensjonskalkulatorar på nett
Han tipsar om at det finst pensjonskalkulatorar på nett som viser korleis ulike val påverkar kva du får utbetalt og oppfordrar folk til å sjekke kva gode dei har via jobb.
Annonse
– Du treng ikkje kunne heile regelverket. Finn ut kva som gjeld i din situasjon, for eksempel kva som trengst for å få livsvarig AFP.
(©NPK)
