Digitale nomadar får bu gratis i Geiranger
Eit prosjekt frå i fjor haust der folk kunne søke om å bu gratis i Geiranger blei ein stor suksess. No blir det vidareført.
Arctic Digital Nomads Grant går ut på at folk som kan ta med seg jobben, kan søkja om å få bu gratis i ei eller fleire av dei tre bygdene Geiranger på Sunnmøre, þingeyri på Island og Vágur på Færøyane nokre månader i vinter.
Over 300 søkjarar
Annonse
Målet er å få fleire til å busette seg i grisgrendte strøk permanent. I fjor søkte over 300. Nå har Nordisk Atlantsamarbeid (NORA) gitt 750 000 kroner til å vidareføra prosjektet.
– Me ser etter dei som kan ta med seg jobben sin kvar som helst, og som i tillegg er interesserte i eit liv på bygda, seier direktøren i Geirangerfjorden verdsarv, Katrin Blomvik Bakken, til NRK.
Kjem tilbake
Katrin Blomvik Bakken seier den første vinteren med ordninga har gått kjempebra, og at nokre av dei digitale nomadane alt har varsla at dei kjem tilbake.
Annonse
– Ein familie kjem flyttande tilbake til nabobygda Norddal. Dei kjem i haust og skal i første omgang bu her eitt år, fortel ho.
Målet er at ein ny søknadsportal skal vere klar i oktober.
