Fleire unge får gratis tilgang til Amedias aviser
Amedia utvidar aldersgruppa for unge som får gratis digital tilgang til avisene deira i Norge.
Fram til nå har unge mellom 15 og 20 år vore omfatta av ordninga, men målgruppa blir utvida frå september til å gjelda alle mellom 15 og 23 år, opplyser Amedia i ein pressemelding. Ordninga blir også gjort permanent.
Gratis digital tilgang
Annonse
Det betyr at 680 000 unge framover kan få gratis digital tilgang til over 120 norske aviser.
– For oss er den mest verdifulle gevinsten at unge faktisk bruker avisene våre for å halda seg informerte. Når unges primære nyheitskjelde er sosiale medium, står me overfor ei alvorleg demokratisk utfordring, seier Tone Krohn Clausen, direktør for abonnement i Amedia.
20 prosent nytta tilbodet
Sidan i fjor har 85 000 unge skaffa seg gratis digital tilgang. Det utgjer 20 prosent av alle unge mellom 15 og 20 år i Norge.
Annonse
– Ved å invitera dei unge inn, gir me dei tilgang til faktasjekka og sanningssøkjande innhald. Derfor er eg glad for at ordninga nå blir permanent, og at me utvidar målgruppa betrakteleg, seier Clausen.
