Mogleg hackingangrep mot fruktlager i Hardanger
Leiinga ved Ullensvang Fruktlager i Hardanger trur hackarar står bak 30 grader høgare temperatur i eit kjølerom.
Det var teknikaren på fruktlageret som oppdaga temperaturendringa, skriv Hardanger Folkeblad.
Kunne vore krise
Annonse
– Heldigvis var det berre eitt kjølerom i drift. Hadde det vore midt i travel sesong og fulle kjølerom, kunne det potensielt vore krise om ein ikkje hadde oppdaga det med ein gong, seier dagleg leiar Maria Strand til avisa.
Det måtte ein servicetilsett i leverandørselskapet til for å få anlegget kopla på internett slik at temperaturen blei fiksa.
Måndag gjekk store mengder matvarer rett i søpla etter at daglegvarebutikkar i fleire land blei utsette for cyberangrep der temperaturen på kjøle- og frysediskane blei skrudd opp.
Her i landet kan varehuset Havaristen i Nordre Follo også ha blitt ramma.
