Ny vurdering av rasstaden i Rødsliane klokka 15 i dag
Riksveg 13 i Rødsliane er stengt etter eit stein- og jordras i 9.30-tida i dag tidleg.
Byggjeleiar i Statens vegvesen Gunn Skjærbekk ber publikum om å følgja med på trafikkmeldingar på 175 og kan ikkje nå klokka 11.30 seia noko meir om når dei forventar å opna vegen. Ny vurdering blir gjort klokka 15, og vegen kan bli stengt lenger enn det.
Ikkje bestemt om geolog kjem
Annonse
– Det tek tid å frakta folk til staden, entreprenør er der men vegvesenet sine folk er ikkje framme endå. Om det blir sendt geolog til staden for å vurdera nærare er ikkje avklart endå. Ikkje før alle er på plass, seier Skjærbekk.
Ifølgje Stavanger Aftenblad har mykje av raset «hoppa» over vegbanen og landa i skråninga nedanfor.
