Stor militærøving i Agder og Rogaland – trafikk kan bli ramma
Torsdag starta Heimevernsdistrikt 08 årets største øving. Då skal 4000 soldatar øva i Agder og Rogaland.
Øvinga blir gjennomført i to fasar: i Agder frå 9. til 17. april og i Rogaland frå 13. til 27. april. Totalt deltek over 4000 soldatar og befal frå dei 23 HV-områda i distriktet, skriv Forsvaret på nettsidene sine.
Jøssing
Annonse
Dei opplyser at publikum kan merka auka militær trafikk på enkelte vegar, og dessutan periodar med støy frå bruk av lausammunisjon og lysrakettar.
Øvinga har fått namnet Jøssing, inspirert av historiske hendingar frå andre verdskrigen og symboliserer motstand og samhald.
Heimevernet er ein landsdekkjande beredskapsorganisasjon som bidreg til nasjonal krisehandtering, sikring av viktige objekt og støtte til det sivile samfunnet.
(©NTB)
