Mormors potetkaker
Eg lagar potetkaker slik mormor Hjørdis i Tulipangata gjorde, då eg vaks opp. Verdas beste med godt smør og sukker på.
Til femten kaker treng du om lag:
1 kilo skrelte, kokte poteter
2,5 – 3 dl kveitemjøl
1-2 ts salt
Kveitemjøl til utkjevling
Køyr potetene gjennom kverna på mixmasteren, bland inn salt og kveitemjøl og elt for hand til ein god deig som heng godt saman.
Det er mykje vatn i potetene, men ver forsiktig med mjølet.
Trill ut femten bollar og vend dei forsiktig på mjøldekka bord.
Kjevle dei tynt ut 4 - 5 mm, til om lag 20 cm i diameter (bruk ein tallerk slik at dei blir runde og like)
Steik dei på tørr takke eller i steikepanne (eg steiker i panne på trinn 6 av 9)
Smør dei med meierismør, dryss sukker over og rull saman, eller brett to gonger om einannan.
Siv Rørvig Speth
Artikkelen held fram under annonsen.
