Påskekvess #1: Påskekake

Denne oppskrifta blei første gong publisert før påske i 2021, og det er Marta-Brit Lunde som har levert oppskrifta.

Kakebotn:

250 g mørk sjokolade, 125 g smør, 6 egg, (2 heile og 4 delte i plomme og kvite), 175 g sukker, 1 ts vaniljesukker

Krem:

150 g mørk sjokolade, 3 dl kremfløyte, 1 ts vaniljesukker, sjokolade-egg til pynt

Slik gjer du:

Sett omnen på 180 grader, smør ein form på 24 cm, og dekk botn med bakepapir.

Skjer smør i bitar og brekk opp sjokoladen og smelt det heile saman, anten i mikrobølgjeomnen eller over vassbad. La blandinga få stå å kjøla seg på benken.

Pisk så fire eggekvitar i ein bolle for seg. Når den begynner å stivna, piskar du inn omlag 100 g sukker, litt om gongen.

Ha dei fire eggeplommene og dei to heile egga i ein annan bolle, samt resten av sukkeret og vaniljesukkeret, og pisk til eggedosis.

Hell så sjokoladeblandinga i ei tynn stråle opp i eggedosisen medan vispane går. Til slutt rører du forsiktig, i to- tre omgangar, inn dei stivpiska eggekvitane. Tøm røra over i forma og sett den på nedste rilla i omnen i cirka 35 minutt. Kaka bles seg godt opp under steiking, men søkk ned som eit krater etter at den er komme ut av omnen. Fortvil ikkje, her skal herleg sjokoladekrem få plass.

Medan kaka kjølnar lagar du kremen. Brekk sjokoladen i mindre bitar og smelt den i mikro-bølgjeomnen eller over vassbad. Kjøl ned blandinga utan at den stivnar igjen.

Pisk kremfløyte og vaniljesukker litt stivt. Tilsett så sjokoladeblandinga i ei tynn stråle. Fyll kakekrateret med sjokoladekremen og pynt med fargerike sjokolade-egg på toppen. Dette er ei smakfull og mektig sjokoladekake. Kaka er mjølfri og blir nesten som marengs. Fyll kake-krateret med sjokoladekremen og pynt med fargerike sjokolade-egg på toppen.