Påskekvess #2: Påskesnop
Her er oppskrifta på eit saltsøtt Karius og Baktus-eldorado som vil spreia glede i alle genera- sjonar. Til frukostdesserten, kaffien i solveggen eller som dessert.
Denne oppskrifta stod på trykk påsken 2021, og det er Berit Reinertsen Sandvik som har levert oppskrift og bilde av søtsakene.
Det einaste du treng for å laga denne deilige kaloribomba er ei plate, ei gryte, litt bakepapir og ein kjølig stad. Og så ingrediensane, då.
Annonse
Slik gjer du:
Smelt 1 boks lys sirup og 2,5 dl. sukker i ei gryte. Ha i ein boks med peanøttsmør og 200 gr. honnikorn (halv pakke). Smør det ut over eit bakepapir på størrelse med ei halv langpanne og set det på ein kjøleg stad. Når det er kaldt - snu det.
Smelt to plater kokesjokolade (ei plate med lys og ei plate med mørk kokesjokolade) og ha i 2 ss olje. Smør den smelta sjokoladen ut over. Set kaldt.
Del opp i passande bitar og lagra i tett boks.
