Saksa frå naboavisene

Ventar færre flyktningar neste år

Integrerings- og mangfaldsdirektoratet (IMDi) ber norske kommunar om å busetta 8 680 flyktningar i 2027. Det er ein liten nedgang frå årets nivå, men behovet er framleis høgt i historisk samanheng. I år er det venta at rundt 10 500 flyktningar blir busett i Norge. Sauda blei bedt om å ta imot 16 flyktningar i 2026. Nå ber IMDi om at Sauda tar imot 15 flyktningar i 2027. Tala er nøyaktig dei same for Suldal kommune. Sidan 2022 har norske kommunar busett over 110 000 flyktningar. Dei fleste kjem frå Ukraina. I 2026 blei Rogaland bedt om å busetta 773 flyktningar. Nå ber IMDi om at 715 flyktningar blir busett i Rogaland.

Ryfylke

Må vente med å byggje biogassanlegg

Etter klager frå naboar og Ølen Grendautval har Statsforvaltaren i Rogaland bestemt å utsetje bygginga. Målet er å unngå store konsekvensar dersom løyvet seinare blir endra eller oppheva. (. ) Statsforvaltaren skriv at biogass er viktig for å handtere husdyrgjødsel og produsere fornybar energi. Rogaland har mykje husdyr, og landbruket treng gode løysingar for å handtere gjødsla. Samstundes har planane om anlegget skapt stort engasjement i Ølen, særleg på grunn av bekymring for lukt og konsekvensane for nærmiljøet. ( ) Både Biovind og fleire naboar har klaga på vedtaket. Biovind meiner krava i løyvet er for strenge.

Grannar

Legen sier nei til utbygging

Omsynet til barn og unge gjer at kommuneoverlegen vil tråkke på bremsa for eit sanduttak på Forsand. Forsand Sandkompani vil gi Forsand skule ein ny nabo: Eit sanduttak.  Det har blitt kontroversielt på bygda.  1,9 millionar kubikkmeter sand og grus skal hentast ut i ein tiårsperiode, og terrenget skal på sikt senkast med rundt 25 meter. ( ) Kommuneoverlegen meiner at den samla belastninga av støv, støy, trafikk og landskapsendringar vil påverke barn og unges oppvekstmiljø negativt. – Dette vil påverke ein heil skulegenerasjon, seier kommuneoverlege Balpreet Kaur Sandhu.

Strandbuen

– Lanserer Hardanger Sidermaraton

Laurdag 26. juni 2027 går den fyrste utgåva av Hardanger Sidermaraton av stabelen. Inspirert av europeiske vinkonsept skal ei 22 kilometer lang løype ta deltakarane gjennom frukthagar frå Grimo til Vikebygd. I fleire europeiske land finst det løp der vingardar, lokal mat og kultur er ein integrert del av sjølve løypetraséen. No får Noreg sin eigen variant langs vestsida av Sørfjorden. Det kjem fram i ei pressemelding frå stiftinga Hardanger Smaksmaraton, som står bak nysatsinga. Løypa er om lag 22 kilometer lang – altså nærare ein halvmaraton enn ein full maraton – og går på veg, sti og traktorveg gjennom eit frodig kulturlandskap.

Hardanger Folkeblad