Ryfylkekunst i morgon

Kulturhuset er staden å vera på laurdag om ein vil få med seg opninga av årets Ryfylkeutstilling. Suldal er presentert med tre kunstverk på den tradisjonsrike vandreutstillinga. Ellen Kalvig, Johannes Bjørke og Siv Rørvig Speth kom alle tre gjennom juryeringa. Årets utstilling, som skal turnera i sju ryfylke-kommunar, består av 24 bilete av 17 kunstnarar. Det er Ryfylke Kunstlag som står bak vandreutstillinga.

Gjeste-utstillar
Ingeborg Kvame, opprinneleg frå Hjelmeland, er årets gjestekunstnar med fire arbeid, og ho har òg vore leiar for juryen. Leiar i Suldal Kunstlag, Ellen Kalvig, håper mange finn vegen til Kulturhuset laurdag og lokkar med tonefølgje frå distriktsmusikarane på opninga.
– Ein ting er sikkert, me har mange flinke amatørar i Ryfylke, slår ho fast etter å ha sett utstillinga.