Satsa på revy
Revygruppa i ungdomslaget på Suldalsosen fylte samfunnshuset med lått og løye både fredags- og laurdagskvelden.
Denne saka stod på trykk 2. november 2011
Wannabe-ordførar Endre Kvæstad opna revyen og haldt regi på programmet, SATS ( Suldal alternative tv-satsing) frå stresslessen utover kvelden.
Artikkelen held fram under annonsen.
Myklebusten
Først ut var ordførar Torkel Myklebust. Og her kom alt fram som han ikkje turte komma med i valkampen. Eigentleg er han heilt imot Sandsfjordbrua slik den er planlagd nå. Helst skulle den lege over til Tangen, slik at vegen heim til Etne vert kortare. Høsebrua kunne halvøya få.
– Kortare bru, kortare skuleveg. Heilt logisk, ifølgje myklebusten. I same rennet kunne han drøyma om seg sjølv i høgsetet i ein framtidig kommunesamanslåing nordover, og når høghastbanen kjem, skulle det nok bli ein løysing med barnehagetog óg, sette ordføraren salen i stemning med før han takka for seg.
Eg e sjef
Så var det klart for endå ei ny revy-stjerna, nemleg Per Arne Fisketjøn. Til tonane frå ”Me kjøre buss” kunne han for fulle lunger formidla at ”eg e sjef, eg eige alt, eg e sjef, eg styre alt, unntatt kona som jobbar halvt”. Og då Mikkel Havrevoll tok over med ”Eg trudde englarna fanst” på kam, var stemninga sett. Før kvelden var slutt hadde me fått ledd av politikarane våre, turnuslegar som ikkje kan suldalsk, kostelege magedansarar og mykje, mykje meir før søstrene Baustad slutta av med eit pot-puri frå alle kommunens grender.
