Kva er så spesielt med Norge?

Jo lenger eg bur her i Suldal og reiser rundt Norge, jo meir blir eg overraska over mange ting.

Noko er heilt nytt og ukjent for meg, og andre ting samanliknar eg ufrivillig ut frå erfaringa mi med å bu i forskjellige land. Du må alltid læra noko og sjå på noko frå eit heilt anna perspektiv. For eksempel slo det meg umiddelbart at nordmenn ikkje er så kalde og lukka menneske som mange innbiller seg at dei er.

Slike observasjonar gav meg ideen til å finna ut korleis det er med andre som kjem til Suldal. Eg blei veldig interessert i kva som skjer i hovuda og hjarta til dei som oppdagar eit nytt land for seg sjølv. Eg må leggja merke til at det er ikkje heilt riktig å samanlikna, men likevel er me alle interessert i å sjå kva som fangar merksemda deira, og kva Norge har allereie klart å læra dei.

Eg meiner at denne ideen fortener å bli ei spalte som eg planlegg å koma tilbake til i avisa. Men førebels vil eg byrja med det eg klarte å finna ut etter å ha snakka med menneske som er komne til Suldal. I dag vil eg framheva somme av dei mest vanlege observasjonane eg har samla.

— Eg husker ikkje ein gong kor mange kvinner frå heimlandet mitt eg har høyrt seia at dei ikkje bekymrar seg så mykje om utsjånaden deira lenger. Dette emnet fortener ein egen analyse i framtida. Eg kjem garantert tilbake til det snart. Men nå vil eg gje alle ting til ettertanke.

— Å jobba samstundes på fleire arbeidsplassar er norma i det norske samfunnet. Det kjem ikkje lenger som ei overrasking å sjå menneske som jobbar i to eller endå fleire forskjellige jobbar i lang tid.

— Eit menneske føler seg trygg. Det påverkar både den fysiske og kjenslemessige sida av livet.

— Ikkje stress! Den setninga lyser opp ein vesentleg del av filosofien i det norske samfunnet. Dette er i alle fall mange av vennene mine i Norge noterer.

— Den mest siviliserte tilnærminga til alt du kan førestilla deg. Her gir eg ståande applaus! Og eg lovar også å dykka djupare inn i dette temaet i framtida.

Avslutningsvis vil eg seia at eg ser fram til å samla og snart presentera ein ny dose slike observasjonar.

Denys Huznov, språkpraktikant