LESARBREV: Nyttig investering, om å halda på ungdommen
Det er med stor interesse og glede eg les i Suldalsposten at det er politikarar i Suldal som foreslår å gi tilskot til elevar som vel å studera ved Sauda vidaregåande skule.
Dette vil vere ei nyttig og god investering som eg er sikker på at kommunen vil få igjen for!
Opp til heile 85 prosent av det ein får med seg av livslære gjennom livet er tufta på åra fram til ein er 17-18 år. Det same gjeld tilhøyring og røter.
Sauda og Suldal har brukt og kjem framleis til å bruke både pengar og ressursar på å «lokka» folk tilbake til heimstaden sin gjennom ulike tiltak. For dei fleste som vel å flytta heim, er det røter og tilhøyring som veg tyngst.
Eg trur derfor det er viktig at ein held på ungdommen så lenge som mogleg, og viss tilskotet kan vere med på å bidra til det, kan ein like godt begynna denne "investeringa" nokre år tidlegare.
Tilskotet kan betalast i to rater, til jul og til sommaren.
PS! I tillegg vil ein vera med på å oppretthalde og styrke den gode skulen som SVG trass alt er.
Med venleg helsing
Nils Kristen Herheim
(Over gjennomsnittleg Sauda- og Indre Ryfylke-patriot).
Nils Kristen Herheim
