Rv 13 ved Røldalsvatnet er nå opna

Politiet fekk inn melding litt over klokka 12.00 i dag om ein lastebil som hadde mista fleire kassar med last på rv 13 langs med Røldalsvatnet.

Det var i starten uklart om lasta, merka som eksplosiv, var ein brannfare. Operasjonsleiar Terje Magnussen seier til avisa at det etter kontakt med transportfirmaet og produsenten av lasta, fekk avklart at innhaldet i kassane ikkje er farleg med mindre dei antenner.
– Politiet og sjåføren er nå i gang med å plukka opp kassane som ligg langs vegen. Lastebilen var på veg sørover til Nesflaten, og kassane ligg spreidde på eit langt strekke av vegen, opplyser Magnussen til avisa klokka 13.15. Så lenge oppryddingsarbeidet held på, vil vegen vera stengt.
Ifølgje Hardanger Folkeblad er vegen nå open for trafikk att.