Brann i bygning på Norsk Stein, fylkesveg 517 stengt

Siste om brannen på Norsk Stein, kl.21.00:
Brannsløkkinga held fram, men brannnmannskapa har ikkje fått kontroll på brannen. Det opplyser vaktleiar Bente Hansen ved Haugaland og Sunnhordland 110-sentral nå like før klokkka 21. Hansen seier det er lite brennbart materiale i bygget, eit sikteverk. Nokre gassflasker er fjerna frå bygget, men det er usikkert om fleire er inni det brennande bygget.
Vegtrafikksentralen og politiet melder nå, like før klokka 21.00, at fylkesveg 517 er stengt i begge retningar, grunna etablering av ei sikringssona på 300 meter.

Politiet fekk klokka 19.20, nå i kveld, melding om røykutvikling i eit bygg på Norsk Stein på Berakvam. Ingen personar skal ha vore i bygget, opplyser politiets operasjonssentral. Brannmannskap frå Sand og Jelsa er på staden.