Framleis over 700 ledige studieplassar på universitet, høgskular og fagskular
Onsdag morgon vart oversikta over ledige studieplassar lagt ut via Samordna opptak. Frå torsdag morgon kan ein søkja på dei ledige plassane.
Tysdag fekk alle som har søkt studieplassar svar på om dei kom inn på ønskestudiet gjennom Samordna opptak.
Jamleg oppdatert
Onsdag klokka 9 vart oversikta over ledige studieplassar lagt ut, og nå har ein eit døgn på seg til å sjå om det er nokre ledige plassar som ein har lyst til å søkje på.
Artikkelen held fram under annonsen.
Den førebelse lista viser 507 ledige studieplassar på universitet og høgskular, og 233 ledige plassar på fagskular.
Frå og med torsdag klokka 9 kan ein søkje på dei ledige studieplassane, og då er det førstemann til mølla-prinsippet som gjeld.
Oversikta over ledige studieplassar blir jamleg oppdatert, og det kan komme nye studieplassar på lista etter 20. juli ettersom dei ulike lærestadene løpande oppdaterer med kva studiar som har ledige plassar.
(©NPK)
