Kraftig auke i terrengbrannar uroar brannvesenet
Talet på terrengbrannar har auka kraftig i starten av året, og brannvesenet åtvarar nå mot farlege forhold fleire stader i landet.
Så langt i år er det registrert 52 terrengbrannar, mot berre fem i same periode i fjor, ifølgje tal frå brannstatistikk.no, skriv NRK.
Fleire ute av kontroll
Annonse
I Rogaland har fleire brannar kome ut av kontroll, mellom anna på Karmøy, der fleire hundre mål brann etter det som starta som ei kontrollert lyngbrenning. Brannsjef i Haugaland brann og redning IKS, Dag Botnen, peikar på svært tørre forhold, låg luftfukt og mykje vind som viktige årsaker til utviklinga.
Rår til å stanse all lyngbrenning
– Nå er det heilt spesielle forhold, og det er grunn til å ta ein fot i bakken, seier Botnen til NRK.
Brannvesenet fryktar ei gjentaking av storbrannen i Flatanger i 2014, då 64 bygningar gjekk tapt. På bakgrunn av situasjonen, rår Haugaland brann og redning til å stansa all lyngbrenning i regionen.
Annonse
(©NPK)
