Professor trur plagiatsakene vil florere
Professor i sosialantropologi Thomas Hylland Eriksen trur plagiatsaker vil florere så lenge folk tek mastergrad av strategiske årsaker, ikkje av nysgjerrigheit.
– Desse sakene peikar på noko større: mastersjuka, tanken om at om du skal komme deg nokon veg i samfunnet, må du ha ei mastergrad, seier Thomas Hylland Eriksen til Klassekampen.
Kjelde til bekymring
Han peikar på at om ein les ein artikkel om ein innvandrar som klarer seg bra, er det aldri ein taxisjåfør eller ein røyrleggjar, men ein person med høg utdanning og gode karakterar som blir løfta fram.
Artikkelen held fram under annonsen.
– I det likskapsfokuserte samfunnet vårt burde det vere ei kjelde til bekymring, seier Eriksen.
Han meiner me ser den samen utviklinga i politikken.
– Tidlegare var det status for ein Ap-politikar å ha erfaring frå industrien og frå gølvet. Det same gjaldt Sp, det talte positivt å ha erfaring frå landbruk og ha skit under neglene, påpeikar han.
(©NPK)
