Ropeidhalvøya: Vegen forbi rasstaden er opna

Fylkesveg 46 på Ropeidhalvøya har vore stengt av eit 25-30 meter breitt ras sidan natt til laurdag. Etter vurdering av geolog som har vore på staden laurdag føremiddag, blei eitt felt opna med manuell dirigering frå klokka 13.30.

Det opplyser Statens vegvesen laurdag, litt over klokka 13. Ved vurderinga klokka 11 blei fylkesvegen fortsatt stengt, men eit par timar seinare blei eitt felt blir opna.

Politipatrulje melde inn raset

Det var rundt klokka 03 natt til laurdag at ein politipatruljen kom til rasstaden, som ligg før avkøyringa til Hebnes. Tidleg laurdag morgon var entreprenør på staden, då var ny melding at det var uvisst kor lang tid det ville ta å rydda vegen.