Nå er riksveg 13 ved Helganes bru open igjen

Ein lastebil med ein knekt aksling sperra fredag kveld riksvegen like aust for Suldalsosen i mange timar. Men nå like før klokka 00.30 er vegen open igjen.

Tidlegare i kveld håpte Statens vegvesen å kunna opna vegen ved midnatt. Men klokka blei altså nesten 00.30 før arbeidet med den skadde traileren var ferdig og vegfarande igjen kunne passera. Bilbergaren, som kom frå Haugesund var først på skadestaden rundt klokka 22.00, opplyste trafikkoperatør Oliver Hatland Iversen ved Vegtrafikksentralen Vest til avisa tidlegare i kveld

Ingen personskade

Uhelllet skjedde rett før klokka 18.30 i kveld, og vegvesenet melde først at bilen står ved Kolbeinstveit, staden er ved Helganes bru, der vegen altså er stengt. Politiet melder at det ikkje skal vera snakk om nokon personskade.