Rundballe på rømmen
Fjordtrafikken er mangslungen, og i dag tidleg blei den utvida med ein heilt ny kategori.
Korleis rundballen er kommen på flyt, er uvisst, men i dag tidleg låg den altså å duppa i fjorden på Sand, litt baktung i sessen, som rimeleg kan vera med tanke på designet. Dermed har vel også den gamle vitsen om mannen som fastslo at det finst mykje stygt i sjøen då han såg kona bada, fått ein lageleg oppfølgjar, og så er det berre å håpa at rundballen blir fiska i land før den sig heilt til havs.
