Rv 13 stengt ved Breivika

Entreprenør skal nå vera på staden på rv13 mellom Erfjord og Lovraeid for å tømma vatnet som har samla seg i vegbanen.

Det skal stå ein halv meter vatn i vegbanen, og Suldalsposten har vore i kontakt med bilistar som kom til staden, men måtte snu.

Entreprenør er på staden

Statens vegvesen melder at entreprenør nå skal vera på staden, der det ikkje er første gang at det dannar seg store mengder vatn i vegbanen. Vogntog skal ha passert vegen tidlegare i dag, men nå er vegen heilt stengt og vegvesenet kan ikkje estimera når arbeidet vil vera ferdig. Omkøyringsalternativ er fylkesvegen over Gullingen eller om Jelsa.