Steinras ved Lovraeidet
Ein person er sendt til sjukehus for undersøking etter at eit køyretøy blei råka av raset på riksveg 13 som er stengt til i morgon, måndag.
Oppdatert klokka 22.30
Riksveg 13 er stengt og vil bli det til i morgon, måndag, klokka 10. Det opplyser Vegtrafikksentralen nå seint i kveld. Operatøren ved Vegtrafikksentralen hadde nå i kveld ikkje informasjon om størrelsen på raset, men seier entreprenøren som har vore på staden, vurderer at det kan komma meir ned og at geolog derfor er rekvirert og at det først ved dagslys i morgon kam vurderast kva som vidare skjer på rasstaden.
Annonse
To personar i bilen som blei råka, ein person til sjukehus
Tidlegare i kveld blei ein person som var i bilen som blei råka av raset, tatt med til Haugesund sjukehus for undersøking. Det var to personar i bilen som blei råka, politiet opplyste tidlegare søndag kveld at dei ikkje framstod som alvorleg skadde.
Brannmannskap var framme ved rasstaden klokka 21 og vegen blei då stengt.
Annonse
Publikum stansa trafikken
Raset blei meldt klokka 20.50 søndag kveld. Då opplyste politiet at publikum på staden hadde stansa trafikken i begge retningar, naudetatane var på veg og entreprenør var varsla.
