Uvêret stengjer rv. 13 mellom Nesflaten og Røldal

Det melder Statens vegvesen på Twitter/X. Vegen er stengt ved Kjeldehammartunnelen og er ikkje venta å opna før i morgon tidleg.

Oppmodar folk til å venta med bilturen

Vegtrafikksentralen anslår at vegen kan opna i morgon tidleg klokka 09, men understrekar at det er uvisse knytt til tidspunktet. Det lukkast ikkje avisa å få kontakt med operatøren på tenesta nå i kveld. Det er uvêr og store mengder nedbør over Vestlandet, og mange stader ras og stengde vegar. Vegtrafikksentralen oppmodar folk til å halda seg heime i dag og utsetja bilturen til ein annan dag.