Omtale: Sjøhuset på Sand er staden
Fekk du ikkje med deg salsutstillinga til Suldalsposten på Kulturhuset, så fortvil ikkje. Nå heng bilda som ikkje alt er selde i glas og ramme på dei gamle sjøhusveggane.
Fotoutstillinga, 50 suldøler i Suldalsposten dei siste 50 åra, blir hengjande på Sjøhuset ut året.
– Overveldande mange kjekke gjensyn
Annonse
– Det er overveldande mange kjekke gjensyn og vanskeleg å velja, men me trur me har komme i land med eit godt utval. Her er unge og gamle frå alle grender, sa dagleg leiar, Siri Førland då utstillinga opna i samband med avisas 50-årsjubileum.
Så då er det berre å ta turen, sjå etter gamle kjende, mimra litt og sikra deg eit minne til veggen om du vil. Og om du ikkje kan ta suldølene på bilda att, er alle namna å finna i programmet.