160 slimete centimeter
Oddvar Sildelid frå Vatlandsvåg har fiska i over 50 år, men har aldri fått noko liknande som han drog i land sist veke.
Kjempe-slimorm
I garna han drog utanfor Vatlandsvåg, fekk han ein kjempe-slimorm, eller Lineus longissimus, som den heiter på latin. Frå ein marinebiolog Sildelid har vore i kontakt med, har han fått opplyst at den blir rekna som verdas lengste dyr og Norges mest giftige. Det er slimet som omgir ormen, som er giftig om ein får det i seg. Den kan bli 60 meter lang, men trekkjer seg oftast saman til ein slimete klump.
160 centimeter
Kjempe-slimormen, som kom til overflata i Vatlandsvåg, er 160 centimeter lang, men halen var slitt av, så ein kan berre undra seg over kor lang den har vore i fjorden.
– Eg oppdaga den ikkje med ein gong, seier Sildelid, som først trudde det var ein tareklump i garnet. Fiskaren kan garantera at røykt slim-orm ikkje kjem på menyen i Vatlandsvåg i julehøgtida.
