Saudabu fekk rektorjobben i Vanvik
Det er ein rutinert rektor som 1. august er klar til å starta opp i ny jobb som einingsleiar for oppvekstsenteret i Vanvik.
Jannicke Hillestad Hatlen (46) har ti års rektorerfaring frå Risvoll skule i Saudasjøen med seg som ballast når ho nå byter beite.
Verdifull jobb
At skulen ikkje har meir enn ni elevar og barnehagen to barnehagebarn, ser ho ikkje mørkt på.
Artikkelen held fram under annonsen.
– Det er like verdfullt å vera rektor for få elevar som for mange, så dette gler eg meg veldig til, seier Hillestad Hatlen.
Suldal kommune har vore arbeidsgjevaren hennar det siste halve året. Då har ho jobba som ppt-rådgjevar og seier ho har eit godt og positivt inntrykk av kommunen som arbeidsgjevar.
– Det blir mykje å setja seg inn i den kommande tida. Barnehage har eg ikkje erfaring frå, og eg har heller aldri jobba i fådelt skule. Men eg gler meg til å fortsetja det gode arbeidet som alt er ved oppvekstsenteret og til å ivareta elevar og tilsette i Vanvik.
