No må du rekne med ventetid ved passbestilling

Passbestillingane vitnar om at passkontora har returnert til ein normaltilstand i juli.

– Før sommaren i april var det unormalt lite. No har det tatt seg opp, seier Kirsti Furstenberg, seksjonssjef ved forvaltningsseksjonen i Vest Politidistrikt, til Bergens Tidende (BT).

Noko ventetid må ein rekne med om ein framleis manglar pass. På tysdag var første ledige time så tidleg som 15. juli på Hardanger lensmannskontor, men 30. november på Bjørnafjorden lensmannskontor,

– Dei som treng pass, kan likevel slappe av, seier Furstenberg. Vanlegvis blir nye timar lagt ut både på morgonen og ved lunsjtider. Seksjonssjefen meiner dei har god kontroll på situasjonen.

Furstenberg fryktar sprengt kapasitet for sommaren 2022. Frå mars 2020 til mars 2021 var det i overkant av 400.000 dokument som gjekk ut, utan at innehavaren søkte om nytt pass. Fram til september 2021 gjeld det ytterlegare 500.00 dokument til.

Seksjonssjefen oppfordrar alle som ønskjer å reise i 2022, om å bestille nytt pass i lågsesongen frå september til mai.

(©NPK)