Suldøl skal leia forskarorganisasjon

I 2019 blei han tatt opp som medlem i Akademiet for yngre forskere (AYF). Nå er han valt til leiar.

Nils Hallvard Korsvoll er førsteamanuensis i religionsvitskap ved Universitet i Agder og har tidligare vore styremedlem i AYF. På generalforsamlinga i Tromsø sist veke, blei han valt til leiar.

Dra i lag

Til Suldalsposten fortel den nyvalte leiaren at to viktige saker for han er internasjonalisering og mangfald. Likevel er han tydeleg på at det AYF ikkje er nokon toppstyrt organisasjon.

– Eg og resten av leiinga har lagt oss på at det viktigaste er å løfta kompetansen til heile akademiet. At me kan vera ein fellesskap som løftar i lag. Det er ikkje me i leiinga som skal setja tonen. Akademiet for yngre forskere skal vera ein arena for å tenkja rundt ulike problemstillingar. I tillegg blir det viktig å vidareføra arbeidet som allereie er gjort.