Ny utgåve av NAF vegbok
Den første vegboka blei gjeven ut av NAF i 1928. Nå kjem den i ny utgåve i tillegg til ein podkast om fjord, fjell og vegar i kommunane i landet.
– Her finn du heile Norge, ferdig googla, seier redaktør Per Roger Lauritzen av NAF vegbok i ei pressemelding.
Markerer 100 år
Boka kjem ut i samband med 100-års jubileet til NAF. Ho er lagd opp slik at det skal vera enkelt å følgja dei viktigaste vegane gjennom kommunane i landet. i tillegg finst det turforslag og vegvisar til attraksjonar både i Danmark og Sverige. I år følgjer også ein podkastserie med.
Artikkelen held fram under annonsen.
– Me opplever like stor etterspurnad etter vegboka nå, som tidlegare. Mange set pris på ei bok dei kan ha i bilen, som fungerer uansett mobildekning og der innhaldet er «ferdig googla» og kvalitetssikra, seier Lauritzen.
Dette er den 32. utgåva av vegboka. Den første utgåva kom i 1928. Totalt har NAF gjeve ut meir enn 10 millionar slike bøker.
(©NPK)
