Ber du på ein skodespelar-draum?

Då kan draumen bli sann, om du snur deg kjapt rundt og melder deg til teneste innan i morgon, fredag.

Kortfilmen det gjeld, skal spelast inn på Energihotellet på Nesflaten i november.

Jaktar på fire skodespelarar

Produksjonsselskapet Chezville og produsentane Julia Joner og Lina Helvik er på jakt etter ein William, mellom 14 og 20 år som skal vera hotellresepsjonist. William får vera med på tre opptaksdagar. Jørgen, mellom 70 og 85 år, er hotellgjest og kan rekna med ein innspelingsdag. I tillegg treng dei ei kvinne mellom 70 og 85 år og ein dresskledd mann mellom 40 og 60 år. Dei to siste rollene har ein innspelingsdag på hotellet.

Prosjektet er finansiert av Filmkraft Rogaland og oppdrag blir honorert etter avtale, skriv Helvik til Suldalsposten. Dei som synest dette verkar spennande, kan ta kontakt med eili@harboe.org med fullt namn, alder og eitt profilbilete og eitt i heilfigur.