I dag er verdas brød-dag

Det har vore krevjande å dyrka norsk matkveite i år, men havreavlinga er nesten som normal. Havre er sunt og godt for kroppen. Så bruk hausten til å baka gode brød med havre, oppmodar Opplysningskontoret for brød og korn.

Dette grove havrebrødet er eit velsmakande og sunt grovbrød som passar godt både til frukost og i matpakken.

Blautlegging:

6 dl vatn

300 g lettkokte havregryn

150 g sammalt kveite, grov

100 g havrekli

Hovuddeig:

750 g kvietemjøl

2 ts salt

2 ts sukker

4 dl skumma mjølk eller lettmjølk

½ dl rapsolje

1 pk gjær

Vatn til pensling og havregryn til pynt

Slik gjer du:

Blautlegging: Bland saman havregryn, sammalt kveite, havrekli og vatn i ein bakebolle. Elt godt for hand eller med ein kjøkkenmaskin på lågaste hastigheit. Deigen vil vera klissete. Dekk bakebollen med plast og la den stå på benken i 20 minutt.

Hoveddeig: Ha kveitemjøl, salt, sukker, mjølk og rapsolje i same bakebolle. Smuldre i gjæren og elt deigen godt. Deigen vil framleis vera litt klissete.

Dekk bakebollen med plast og la den stå lunt til deigen har blitt dobbelt så stor. Cirka 45 minutt. Del deigen i to like store emne. Form avlange brød. Legg havrebrøda i to smurte 2-liters brødformer. Dekk formene med eit klede, og sett dei på ein lun stad til dei har heva til dobbel storleik.

Pensle havrebrøda med vatn. Dryss over havregryn og snitt forsiktig eitt eller fleire snitt med ein skarp kniv.

Steik brøda nederst i omnen ved 220 °C i cirka 40 minutt. Avkjøl på rist.