Der hunden ligg gravlagt

– Takk for at Sp skreiv om rasteplassen på Ropeid igjen. Men eg sakna at vegvesenet fekk eit spørsmål om universal utforming. Eg trur nemleg at det er der «hunden ligg gravlagt». Alle offentlege instansar er pålagde å ta universell utforming med i planlegging av bygg og anlegg. Når me ser på utforminga av rasteplassen, er det svært vanskeleg å tro at dette har vore seriøst behandla. Dei kan neppe ha tenkt på rullestolbrukarar iallfall. I så fall ville det vore interessant å vita korleis dei hadde tenkt at det skulle fungera, skriv Wenche Nygaard som også minner om at rett namn på rådet som reagerer er Rådet for menneske med nedsett funksjonsevne.