Ber folk med symptom om ikkje å dra på hytta
Mange små kommunar opplever pågang av hyttefolk som ønskjer koronatesting i jula. Nå blir folk med symptom bedne om ikkje å dra på hytta.
Mange kommunar med få innbyggjarar, men mange hytter, opplever auka pågang av hyttefolk som ønskjer testing.
Fryktar stor pågang
Marte Kvittum Tangen, leiar i Norsk foreining for allmennmedisin, fryktar at pågangen blir endå større i romjula, når mange feirar nyttår på hytta, skriv Aftenposten.
Artikkelen held fram under annonsen.
Nokre vinterturistar ringer fordi dei har fått symptom som kan vera covid. Andre fordi dei ønskjer å testa seg ut av karantene eller fordi dei har blitt varsla om at dei er nærkontaktar.
Reiser sjølv om dei er i karantene
– Mange har reist til hytta sjølv om dei er i karantene. Me ønskjer at folk ikkje drar på hytta dersom dei er i karantene eller om dei har symptom som kan vera covid. Helsetenesta i hyttekommunane har ikkje kapasitet til ekstra innbyggjarar, seier Kvittum Tangen.
(©NPK)