Færre permitterte - færre ledige

Talet på arbeidsledige i Suldal går framleis nedover.

68 færre

Då talet på arbeidsledige i Suldal var på det høgaste i april, var 163 suldøler heilt eller delvis utan arbeid. Denne veka er 45 suldøler heilt ledige og 50 delvis ledige og det er 68 færre enn i april. Dette utgjer 4, 8 prosent av arbeidsstyrken. Sist veke var talet 5, 9 prosent.

Utviklinga går mot fleire i arbeid

I ei pressemelding frå NAV seier direktør i NAV Rogaland, Merethe P. Haftorsen, at arbeidsløysa fell både blant heilt og delvis ledige og i alle yrkesgrupper. Totalt i Rogaland var det tysdag denne veka registrert 27 514 arbeidssøkjarar. Det er ein nedgang på 1501 personar frå veka før. 14 241 personar er dermed heilt utan arbeid i Rogaland, noko som er 5, 6 prosent av den samla arbeidsstyrken i fylket. Sola er den kommunen med flest ledige, 6, 7 prosent.

Auke i sjukefråveret

Det legemeldte sjukefråveret i Rogaland auka med 11, 7 prosent i første kvartal, samanlikna med første kvartal i fjor.

– Det er inga overrasking at koronapandemien i landet har hatt stor innvirking på sjukefråveret i Rogaland, seier Haftorsen. Auken i det legemeldte sjukefråveret i Rogaland er størst hos menn med 15, 1 prosent, og for kvinner er auken på 9,7 prosent