Følg landbruks-debatten her

Direktesending frå kl.14.45

Korleis få Paris-avtalen ned på jorda i landbruket?

Teknologi og politikk
Det er hovudoverskrifta på dagens Landbrukspolitiske konferanse som går i Stavanger. Suldal er også representert; Ordførar Gerd Helen Bø og dei folkevalde i LMT-utvalet (landbruk, miljø og teknikk) er på plass på Clarion Hotel midt i byen, der teknologi og politikk set kvarandre stemne i dag. Kan teknologien både bidra til aukt effektivitet og til å løysa klimautfordringane det matproduserande landbruket står overfor? Det er eitt av spørsmåla som skal belysast under dagens program, der blant andre Siri Kalvig skal snakka om energibønder og der leiar av Norges Bondelag, Lars Petter Bartnes, skal snakka om den klimasmarte bonden. I løpet av dagen skal også Heidersprisen for landbruket i Rogaland delast ut.

Sjå debatten her 
Dagen blir avslutta med politisk debatt der brennpunktet er "Framleis aktivt landbruk i heile landet i framtida?". Blant dei som skal i elden er konst. statssekretær i landbruksdepartementet Terje Halleland (FrP), stortingsrepresentantane Siri A. Meling og Torstein Tvedt Solberg, begge Ap,Geir Pollestad (Sp), Iselin Nybø (V) og fylkesordførar Solveig Ege Tengesdal frå KrF. Debattleiar er Mari Friestad frå NRK Rogaland, og suldalsordførar Bø er utfordra til å stilla spørsmål frå salen med utgangspunkt i suldalslandbruket. Debatten kan du følgja på Suldalspostens nettside frå rundt klokka 14.45.