Melding om meir ulovleg fiske frå båt
Politioverbetjent Eivind Asheim seier politiet fekk endå ei melding om ulovleg fiske, som skal ha føregått søndag kveld i åtte-tida.
Varselet politiet fekk, gjaldt fire båtar som skal ha dorga ulovleg i elveosen på Sand, innanfor skiljet mellom elv og sjø. Asheim seier den næraste politipatruljen var for langt unna til at varselet blei prioritert. Også sist veke blei det meldt om ulovleg fiske i Suldalslågen.
Mobil fartskontroll i Erfjord
Torsdag hadde politiet mobil fartsmåling i Erfjord. Ingen bilistar blei stoppa i kontrollen, ifølgje politioverbetjent Asheim.
