Oppdaterte tal: Ingen nye smittetilfelle sidan onsdag
Talet på koronasmitta dei tolv siste to vekene i Suldal er oppe i 18.
Onsdag testa tre tilreisande turistar positivt. I dag, fredag, seier kommuneoverlege Harald Bjarne Hellesen at det ikkje er nye positive prøvesvar. Dei aller fleste av dei som har vore i isolasjon er nå ute av den. Framleis er mellom ti og 20 personar i karantene.
– I dag har 17 personar testa seg for covid-19, det same som i går. Det er bra at folk følgjer råda og har låg terskel for å testa seg, seier Hellesen.
Artikkelen held fram under annonsen.
Han ber suldølen om å huska på meteren og å testa seg ved symptom på smitte. Kommunens koronatelefon har ope frå 10.00 til 22.00, og nummeret er 906 99 226
Kommuneoverlegen har også oppmoda folk vera ekstra på vakt i samband med reising, sidan muterte virus nå er spreidd over heile landet.
Åtte av dei smitta i kommunen er under 20 år, tre smitta er i aldersgruppa 20-40 år, og sju smitta er i aldersgruppa 40-60 år.