Russen samlar inn pengar

Krafttak mot kreft:

I dag går Saudarussen 2017 rundt på dørene i Suldal og Sauda for å samla inn mest mogleg pengar til aksjonen Krafttak mot kreft. Har du ikkje kontantar heime, kan du donera på Vipps til 491021, eller på deira nettsideaksjon HER, skriv Saudarussen.

Uhelbredeleg kreft
Målet med årets aksjon er, som i fjor, å gi kreftpasientar med uhelbredeleg kreft flest mogleg leveår og best mogleg livskvalitet. Årets aksjon handlar om å gi dagar til livet, og liv til dagane.
Årets nasjonale innsamlingsmål er på 40 millionar kroner. Over 20 000 bøssebærarar vil vera i sving, og majoriteten av desse er russ.
– Ta godt imot våre bøssebærarar og støtt opp om årets aksjon! er oppfordringa frå generalsekretæren i Kreftforeningen, Anne Lise Ryel.