Rødsliane er open igjen
Oppdatert klokka 12. 25
Nå melder Statens vegvesen at Rødsliane på rv 13 mellom Sand og Lovraeid igjen er open etter å ha vore nattestengt grunna store nedbørsmengder i natt.
Artikkelen held fram under annonsen.
Oppdatert klokka 12.15
Planen er å opna Rødsliane rundt klokka 12 i dag, men då Suldalsposten sjekka med byggjeleiar klokka 12, hadde han endå ikkje fått melding om at vegen igjen er open for trafikk.
Oppdatert søndag kl. 09.40
Etter at skredløpet er blitt vurdert av geolog og entreprenør nå i morgontimane, er siste rapport at at flaumen i løpet har avtatt og ikkje lenger blir vurdert som problematisk. Det må ryddast litt på staden, men byggleiar i Statens vegvesen, Ove Hausvik, seier til Suldalsposten at dei satsar på å ha vegen klar til opning rundt klokka 12 i dag. Suldalsposten oppdaterer saka.
Oppdatert søndag kl. 08.50.
Nå, rett før klokka 09, søndag morgon, er vegen framleis stengt gjennom Rødsliane grunna rasfare og store nedbørsmengder. Etter planen skal Statens vegvesen ta ei ny vurdering i føremiddag, men det er ikkje sagt noko konkret tidspunkt for når dette blir. Suldalsposten følgjer saka.
Laurdag kveld:
Etter råd frå geolog, blir Rødsliane stengt for trafiikk nå i natt.
Artikkelen held fram under annonsen.
Mykje vatn som har dratt med seg ein del stein ned i skredløpet, gjer at Statens vegvesen har beslutta å stengja vegen gjennom Rødsliane i natt.
Ny vurdering i morgon føremiddag
Ny vurdering vil bli tatt av geolog i morgon føremiddag. Byggjeleiar Ove Hausvik i vegvesenet seier i ei tekstmelding til avisa nå i kveld at tidspunktet for ei ny vurdering i morgon ikkje er sett, men at dei vil venta på dagslyset i morgon og så gjera ei ny vurdering, Entreprenør skiltar omkøyring.
