Rv. 13 gjennom Brattlandsdalen blir stengt til i morgon

Riksvegen mellom Nesflaten og Røldal blei i går ettermiddag stengt grunna rasfare og stengt forblir den til i morgon, tysdag, då det blir ny vurdering klokka 10.

Statens vegvesen kommuniser meldingar på fleire kanalar, og i går verserte det forskjellige versjonar av både stengetidspunkt og grunn for stenging. På Twitter/X melde vegvesenet at vegen skulle stengjast klokka 21 i går kveld, mens det rette er at vegen blei stengt klokka 16 søndag ettermiddag. Grunnen for stenginga er ikkje noko ras som er kjent, det er fare for ras som gjer at vegen nå er stengt med låst bom ved Lono.