Stort tre i fjorden
Eit lokalt fiskeoppdrettsfirma har tatt på seg å slepa treet i land.
Suldalsposten har fått tips om eit stort tre som flyter ved Tangen, der Sandsfjorden skiljer seg til Hylsfjorden og Saudafjorden. Tipsaren, som ynskjer å vera anonym, seier at det sannsynlegvis er stormen som har tatt det med seg i fjorden.
– Det kan havna i vegen for hurtigbåt og store båtar, seier tipsaren.
Avventar situasjonen
Lensmann i Sauda og Suldal, Siri Fisketjøn Indrebø, seier at politiet ikkje har fått melding om saka. Ho har vore i kontakt med Morten Aarhus i Suldal brann- og redningsvesen, og seier at dei nå avventar situasjonen.
– Det er styggare når det ligg ein trestokk som er vanskeleg å sjå. Dette treet er godt synleg, seier Indrebø.
Oppdatering: Morten Aarhus seier at eit lokalt fiskeoppdrettsfirma har tatt på seg å slepa treet på land.
Sjur Skjelbreid Førland
Artikkelen held fram under annonsen.
