Unge jelsabuer sprang for born i Sierra Leone
I oktober sprang unge og spreke jelsabuer inn fleire tusen kroner til årets FORUT-aksjon. Einingsleiar Karin Søndenaa Nessa har sendt redaksjonen eit lite referat.
Oppvekstsenteret på Jelsa samla nyleg inn pengar til den årlege barneaksjonen til FORUT.
Dette året gjekk pengane til born i Sierra Leone, og pengane vil gjera det mogleg for fleire born der å gå på skule og i barnehage.
Artikkelen held fram under annonsen.
Små og store ved oppvekstsenteret sprang inn meir enn ti tusen kroner. Dei vart sponsa av Norsk Stein, foreldre og andre, som betalte for kvar runde dei klarte å springa rundt byggjefeltet i Svehaugane. Engasjementet var kjempestort, og det blei mange rundar.
I tillegg var det lagt ut naturløype med spørsmål, fritt for alle å delta, og det var høve til å kjøpa varer frå FORUT-aksjonen.
Takk til alle som sponsa oss med gevinstar og pengar!
