Vinje vil tilby «nordsjøturnus» i jakt på tilsette
Vinje kommune tar i bruk utradisjonelle grep for å lokka til seg nye tilsette, og vil tilby dei turnusordning.
Vinje er ein av fleire kommunar som har slite med å rekruttera nye folk. Nå har dei prøvd seg på ei stillingsannonse litt utanom det vanlege. Det skriv NRK Vestfold og Telemark.
To veker på, to veker av
Saman med bemanningsbyrået Adecco har Vinje kommune lyst ut fem assistentstillingar til skule, barnehage og skulefritidsordninga (SFO). I stillingsutlysinga står det at ein kan få moglegheit til å arbeide to vekers skift med to friveker, eller arbeid annakvar veke. Ordninga blir samanlikna med Nordsjø-turnus. Det er òg tilbod om gratis bustad i Vinje medan du jobbar der.
Artikkelen held fram under annonsen.
– Likevel er det ikkje slik at ein får løn i frivekene slik som Nordsjø-arbeidarane, forklarer Anders Sandvik, oppvekstansvarleg og assisterande rådmann i Vinje kommune.
(©NPK)
