Tid for smakfulle supper!

Hausten er den perfekte tida for suppe, gjerne med litt sting i. Her kjem oppskrifter på to supper ein lagar kjapt. Og med nybakt brød eller rundtstykke, du og du. Ja, då gjer det ingenting om gradestokken viser ei handfull varmegrader eller om det regnar på ruta.

Krema jordskokksuppe
Ingrediensar:
2 stk sjalottlauk, hakka
2 stk kvitlauksfedd
600 g jordskokk i bitar, skrelte
Smør til steiking
8 dl kyllingkraft
2 dl matfløyte
Salt og pepar
1,5 ss sitronsaft ferskpressa

Slik gjer du:
Surr lauk, kvitlauk og jordskokk i smør utan at det får farge. Ha over krafta og kok i 20 minutt, eller til jordskokkane er møyre. Miks suppa jamn med stavmiksar. Ha i fløyte og kok opp. Smak til suppa med salt, pepar og sitron.


Gulrot- og ingefærsuppe
Ingrediensar:
2-3 ss nøytral olje
6 gulrøter
2 fedd kvitlauk
1 lauk
1 potet
1 sellleristong
1 ss sitronsaft
5 cm finriven ingefær
1 ts cayennepepar
1 terning buljong vatn

Slik gjer du:
Varm olje i ein kasserolle på låg varme, ha i finkutta lauk og kvitlauk. Steik lauken mjuk. Ha så i gulrøtene, potetene og sellerien. Lat det surra eit par minutt. Ha så i sitronsaft, buljong og omlag 1 liter vatn. Når grønsakene har kokt ei stund, tar du ingefæren som du har rive i hendene og klemmer ut safta direkte i suppa. Ha så i krydder som cayennepepar, chili, koriander etc. Lat suppa koka til grønsakene er møyre. Lat gjerne stavmiksaren, eventuelt ein kjøkkenmaskin du måtte ha for handa, gjera suppa til en jamn vakker, gulrotfarga masse. Dersom ein ønskjer ei fyldigare suppe, kan ein koka inn gule eller raude linser. Server gjerne saman med brød.

Oppskriftene er henta frå boka Matglede i Suldal.