Samferdsleutvalet vil jobba meir med hurtigbåt-tilbodet i Ryfylke
Arbeidarpartiet fekk med seg Sp, KrF, MDG og Venstre på å setja saman ei arbeidsgruppe som skal arbeida vidare med forslag til ny rutestruktur.
Det blei resultatet etter møtet i fylkes-samferdsleutvalet i går, som fekk lagt føre seg eit forslag frå fylkesrådmannen som inneber eit dramatisk kutt for hurtigbåt-tilbodet i Ryfylke.
Vil ha tilbod i Ryfylke
Annonse
Politikarane vil at ulike alternativ blir utgreidde for hurtigbåttilbodet i indre Ryfylke. Forslag om ny rutestruktur frå arbeidsgruppa, skal ut til dei råka kommunane på høyring før endeleg konkurransegrunnlag blir utarbeidd og lagt ut på anbod, ifølgje forslaget som fekk fleirtal.
Den vidare ferda for hurtigbåt-tilbodet i Ryfylke går nå til fylkesutvalet og fylkestinget i desember.